Berichtehttps://www.kyburgia.ch/ramschwar?&atomThu, 28 Mar 2024 11:32:17 +0000stack.ch
https://stack.ch/
d4d685c0-ecf6-11ee-8c11-005056bb85fbAltherrenverband Kyburgia Burgdorf - Berichte
https://www.kyburgia.ch/ramschwar
d4d68688-ecf6-11ee-8c11-005056bb85fbThu, 28 Mar 2024 11:32:17 +0000Berichte unserer Mitglieder
https://www.kyburgia.ch/ramschwar
d4d687cd-ecf6-11ee-8c11-005056bb85fbThu, 28 Mar 2024 11:32:17 +0000
https://www.kyburgia.ch/ramschwar
d4d688d6-ecf6-11ee-8c11-005056bb85fbThu, 28 Mar 2024 11:32:17 +0000Mer, die Überläbende mit de Johrgäng vor 1935Mer sind gebore worde, wos no keis Fernseh gäh hät, wos no keis Penizillin, kei Polioimpfig, Gfrürprodukt, Xerox, Plastik, Kontaktlinse oder Video gäh hät. Mer händ weder Snowbord no d'Pille kännt.Mer sind gebore worde, bevors Radar, Kreditcharte, Atomspaltig, Laserstrahle oder Chugelschriiber gäh hät, bevor d'Abwäschmaschine, Tumbler, Heizdeckine, Aircondition, pflegelichti Chleider gmacht worde sind und bevor de Mönsch ufem Mond glandet isch.Mer händ zerscht ghürotet und händ nochhär zäme gläbt. Mer wäred de Meinig gsi, Fastfood tüeg me i de Fasnachtszyt ässe und en Big Mac sigi en übergrosse Schottländer. Eus häts gäh, bevor me de Huusma kännt hät und wenn öber vo Emanze gredt hätti, so hätti me ane Art Huuswanze dänkt. Eus häts ghä, bevor Tagesheim, Gruppesex, Wohngmeinschafte und Wägwärfwindle do gsi sind.Mer händ no nüt ghört vo elektrische Schriibmaschine, Computer, künstleche Härz und Niere, oder vo Manne mit Halschetteli oder Ohreringli. Mer händ under "Hardware" Schrube und Nägel verstande und under "Software" Chüssi fürs Bett oder Kanapee. ABS, Airbag, Turbo, Nylonstrümpf, Tranquilizer, Digitaluhre sind unbekannte Begriff gsi.Made in Japan hät vor 1930 Ramschwar bedütet. Vo Mac Donalds, Pizzerias und Instant-Kaffi häd mer no nüt ghört gha. Zu eusere Zyt isch s'Zygarette rauche en Art Mode gsi. Anstatt "Hoi" hämmer Tschau, Moin, oder Salü gseit.Gras isch für d'Chüeh und en "Joint" ische Rohrverbindig gsi. "Koks" hädmer im Heizigschäller gha. Und uder "Aids" hätt mer entwäder ane Schönheitscreme oder Hülf a Bedürftigi dänkt.Mer si gebore wqorde, bevors Tascherächner, Jumbo-Jets, Breitwand-Film, Surfbrätter, Garte-Schredder, Chuchi-Mixer und Jasscharte-Mischmaschine ghä hät. Mälchmaschine, Personal-Computer, Grossruumbüro hät mer nid kännt. "E-Mail" isch en Belag vo de Badwane gsi und "Faxen" isch es Grimasse-Schniide gsi.I de Freizyt händ mer gjasset, gsunge, sind go wandere, händ de Garte umegstoche oder händ Spili gmacht. No nimer hät müesse go River-Rafting mache, Delta-Flüge, tauche im Rote Meer, Jogge, Trecking im Himalaja oder Free-Climbing. Mer sind is Lädeli go poschte? hüt gömer in Supermarkt go shoppe. Es hät viel Stärchi bruucht, eus a alli die Veränderige a zpasse, wo über d'Wält inebroche sind. Keis Wunder, wänn mer mängisch a chli konfus sind und wänn me vo Generatione-Problem redt. Aber weiss Gott, mer händs überläbt!Berichte
https://www.kyburgia.ch/berichte
Thu, 28 Mar 2024 11:32:17 +0000d4d68df1-ecf6-11ee-8c11-005056bb85fbDer Bursch
https://www.kyburgia.ch/bursch
Thu, 28 Mar 2024 11:32:17 +0000d4d68e9f-ecf6-11ee-8c11-005056bb85fbGalerie
https://www.kyburgia.ch/galerie
Thu, 28 Mar 2024 11:32:17 +0000d4d68f40-ecf6-11ee-8c11-005056bb85fbLinks
https://www.kyburgia.ch/links
Thu, 28 Mar 2024 11:32:17 +0000d4d68fdc-ecf6-11ee-8c11-005056bb85fbNächster Anlass
https://www.kyburgia.ch/next
Thu, 28 Mar 2024 11:32:17 +0000d4d69077-ecf6-11ee-8c11-005056bb85fbPortrait
https://www.kyburgia.ch/portrait
Thu, 28 Mar 2024 11:32:17 +0000d4d69114-ecf6-11ee-8c11-005056bb85fbSatzungen
https://www.kyburgia.ch/satzungen
Thu, 28 Mar 2024 11:32:17 +0000d4d691ad-ecf6-11ee-8c11-005056bb85fbSitemap
https://www.kyburgia.ch/sitemap
Thu, 28 Mar 2024 11:32:17 +0000d4d6925a-ecf6-11ee-8c11-005056bb85fbStammbetrieb
https://www.kyburgia.ch/stamm
Thu, 28 Mar 2024 11:32:17 +0000d4d692f5-ecf6-11ee-8c11-005056bb85fbVorstand
https://www.kyburgia.ch/vorstand
Thu, 28 Mar 2024 11:32:17 +0000d4d6938f-ecf6-11ee-8c11-005056bb85fb